HAPPINESS

Sabi nila " happiness is a choice"

Pero sabi din nila " In every rule theres an exemption"

Sa ngayon, masasabi kong hindi ako masaya sa

pangkalahatang aspeto ng buhay ko.

Sa Trabaho -

Dahil wala akong choice na trabahuhin ang isang bagay

kahit wala doon ang interes, puso't isipan ko

Dahil sa doon ako umaasa ng mga pangunahing

pangangailangan sa buhay.

Dahil ito ang katulong ko sa pagtaguyod sa anak ko.

Sa Pagiging Anak

Dahil hindi ko maabot ang mga ekspektasyon

na binuo ng nanay ko sa sarili nya para sa akin.

Dahil lagi kaming magkasalungat ng mga interes,

opinyon at prinsipyo sa buhay

Dahil hindi siya bilib sa dedikasyon ko

at sa mga ginagawa ko sa trabaho.

Dahil hindi niya matanggap na hindi ako masigla 

ng nasa loob lamang ng bahay

Dahil hindi siya kontento na ito pa lamang ang

nararating ng buhay ko

Dahil hindi ko matahak ang tinahak ng buhay niya.

Sa Pagiging Ina

Dahil hindi ko mabigyan ang anak ko ng

normal na buhay ng isang pamilyang buo

Dahil hindi ko siya mabigyan ng sapat na oras.

Dahil hindi ko siya masolong palakihin ayon sa gusto

ko dahil wala pa ako sa posisyon na gawin yun

Sa ngayon tatlong bagay lamang ang

nagpapasaya sa akin:

Ang Anak ko

Dahil kahit alam kong hindi ko siya nabibigyan

ng sapat na oras, mahal pa din nya ko

Dahil alam kong may kasama ako hanggang pagtanda.

Dahil alam kong hindi ako mag-iisa.

Dahil siya ang dahilan bakit kailangan ko pang mabuhay.

Ang buhay pag-ibig

Dahil tinutulungan niya akong kulayan ang maiitim

na bahagi ng buhay ko

Dahil kaya niyang tanggapin ang mga bagay na ako mismo

sa sarili ko ay hindi ko matanggap

Dahil nailalabas ko ang mga saloobin ko ng walang

kasamang paghusga o pagtatwa

Dahil nagagawa niya akong pangitiin at patawanin

kapag nakalugmok ako sa kalungkutan

Dahil pinararamdam niya sa akin ang tinatawag

na pagmamahal.

Ang relasyon ko sa Panginoon

Dahil patuloy niya kong pinatatatag

Dahil hindi niya ko hinuhusgahan

Dahil hindi niya ko binibitawan

Dahil sa pagbibigay ng masiglang pangangatawan

At Dahil sa kabila ng mga nabanggit ko sa itaas patuloy

pa din ang walang humpay na biyaya.