(written – May 03, 1994)
Isang umaga
Ako ay nagbabasa
Nang aking mapuna
Ako pala’y di nag-iisa
Tinitigan ko na
Upang ako’y iwanan nya
Aba’t di yata natakot
Tila lumapit pa
Pababayaan ko na sana
Ngunit nang-iistorbo siya
Bumubulong-bulong pa
Sa aking tainga
Bigla siyang umalis
Akala ko’y aalis na
Umiba pala ng pwesto
Sa likod ko siya’y nangulit
Maya-maya pa
Ako ay nagulat
Nanghahalik at nangangagat na
Ang bisitang makulit
Ako’y di nakatiis
Binilot ang binabasa
Sabay hampas sa lamok
‘Umpp, patay ka!’
.
