ANG PAG-IBIG NGA NAMAN

(written-September 11, 1994)

Ang pag-ibig nga naman

Pahamak sa buhay

Kagaya kanina, nakita kita

At kasama mo pa siya

(‘di ang girlfriend mo sino pa?!)

Ang pag-ibig nga naman

Pahamak sa buhay

Nung isang araw kumaway ka

At ako ay nataranta

(ayun, tumapon ang hawak kong coke!)

Ang pag-ibig nga naman

Pahamak sa buhay

Nung isang araw  nagkabungguan

At ako’y naalalayan mo

(kilig na sana, lumilis pa ang palda ko!)

Ang pag-ibig nga naman

Pahamak sa buhay

Kahapo’y nakasalubong ka

At tayo’y nagkatitigan

(hindi ko nga lang nakita yung bato, natapilok ako!)

Ang pag-ibig nga naman

Kapag pumasok sa puso ninuman

‘Di bale ng madisgrasya

Mapansin ka lamang

.